ԱՄՆ-ն այնքան պատժամիջոցներ է սահմանել Ռուսաստանի և Իրանի նկատմամբ, որ Վաշինգտոնի վարչակազմը, փաստորեն, երկու երկրների նկատմամբ նոր սահմանափակումներ հաստատելու հնարավորություն այլևս չունի: Այս կարծիքը կիրակի հայտնել է ԱՄՆ նախագահի ազգային անվտանգության հարցով օգնական Ռոբերտ Օ'Բրայանը՝ պատասխանելով լրագրողների հարցերին:
«Չնայած հնարավորությունների հետ կապված խնդրին՝ մենք ուսումնասիրում ենք զսպման բոլոր հնարավոր միջոցները, որոնք կարող ենք կիրառել ինչպես այս, այնպես էլ այլ երկրների, ներառյալ Չինաստանի և դեռ չնշված այն պետությունների դեմ, որոնք փորձում են ազդել ամերիկացիների վրա քվեարկության հարցում: Դա անընդունելի է»,- ասել է Թրամփի օգնականը:
Ռուսաստանի նախագահի մամուլի քարտուղար Դմիտրի Պեսկովը հերքել է ամերիկյան ընտրություններին միջամտելու համար Մոսկվային ուղղված բոլոր մեղադրանքները:
