Սահմանին այս պահին իրավիճակը կայուն է: Այս մասին այսօր լրագրողների հետ զրույցում ասել է Հայաստանի Հանրապետության զինված ուժերի գլխավոր շտաբի պետ Արտակ Դավթյանը: Գեներալի խոսքով՝ միջադեպեր միշտ են լինում, բայց կրակոցների, միջադեպերի թվերը համեմատորեն նվազել է: Հյուսիսարևելյան կողմում վերջին շրջանի միջադեպերից հետո իրավիճակը որոշակիորեն կայունացել է, երբեմն կրակոցներ են լինում, բայց դրանք նպատակային չեն լինում, հայկական կողմի պատասխան կրակոցներից հետո էլ հակառակորդը դադարեցնում է կրակը: