Մեծ Բրիտանիայի վարչապետ Էնդի Բըրնհեմը հայտարարել է, որ չի աջակցում Միացյալ Թագավորությունից Ուելսի, Շոտլանդիայի և Հյուսիսային Իռլանդիայի անջատման վերաբերյալ հանրաքվեներին՝ հաղորդում է Sky News-ը։
Վարչապետն աջակցում է երկրի միասնության պահպանմանը և մտադիր է կենտրոնանալ տնտեսական և սոցիալական հարցերի, այլ ոչ թե նոր սահմանադրական քննարկումների վրա:
Լոնդոնում կարծում են, որ Միացյալ Թագավորությունն ավելի արդյունավետ է լուծում ընդհանուր խնդիրները՝ համատեղ աշխատելով։
Շոտլանդիայի, Հյուսիսային Իռլանդիայի և Ուելսի առաջին նախարարներն այսօր Քարդիֆում ստորագրել են փոխըմբռնման հուշագիր՝ հայտարարելով յուրաքանչյուր երկրի ինքնորոշման իրավունքի աջակցության մասին և համաձայնել համագործակցել տնտեսական ու մյուս ոլորտներում։
Շոտլանդիայի առաջին նախարար Սվինին կոչ է արել Շոտլանդիայի անկախության վերաբերյալ նոր հանրաքվե անցկացնել առաջիկա հինգ տարվա ընթացքում։
Ուելսի առաջին նախարար Յորվերտն էլ նշել է, որ Ուելսի անկախության հարցը և դրա լուծման ժամկետները «գտնվում են Ուելսի ժողովրդի ձեռքին»։
«Բոլոր կողմերը կոչ են արել Մեծ Բրիտանիային պատրաստվել, պլանավորել և նպաստել սահմանադրական փոփոխություններին»,- նշում է Sky News-ը։
