ԱՄՆ նախագահ Դոնալդ Թրամփը Truth Social-ում սպառնացել է ոչնչացնել իրանական էլեկտրակայաններն ու կամուրջները, եթե Հորմուզի նեղուցը չբացվի։
Եթե Իրանը չկատարի ԱՄՆ-ի պահանջը՝ «գործարք կնքի» Վաշինգտոնի հետ կամ վերացնի Հորմուզի շրջափակումը, Միացյալ Նահանգները կհարվածի «միաժամանակ» երկրի կամուրջներին ու էլեկտրակայաններին, ասել է նախագահ Թրամփը՝ այս անգամ հայտարարելով ապրիլի 7-ը որպես վերջնաժամկետ սահմանելու մասին։
Մինչդեռ կիրակի Fox News-իհետ հարցազրույցում Թրամփը կարծիք էր հայտնել, որ «մեծ հնարավորություն» կա Իրանի հետ հասնել համաձայնության մինչև երկուշաբթի՝ իր սահմանած վերջնաժամկետից առաջ։
Պատասխանելով Թրամփի սպառնալիքներին՝ Իրանի խորհրդարանի խոսնակ Մոհամմադ-Բաղեր Ղալիբաֆը հայտարարել է, որ ԱՄՆ նախագահի «անխոհեմ գործողությունները» կհանգեցնեն նրան, որ «ամբողջ տարածաշրջանը կհայտնվի կրակի մեջ»:
Ղալիբաֆը հավելել է, որ «միակ իրական լուծումը Իրանի ժողովրդի իրավունքները հարգելն ու այս վտանգավոր խաղը դադարեցնելն է»։
