Աբու Դաբիում իրավապահ մարմինները 45 մարդու են ձերբակալել ռազմական առճակատման ժամանակ տարբեր թիրախավորված վայրերը նկարահանելու և այդ տեսանյութերը սոցիալական ցանցերում հրապարակելու համար՝ հայտնել է Khaleej Times-ը:
Այդ մարդիկ մեղադրվել են ոչ ճշգրիտ և ապակողմնորոշիչ տեղեկատվություն տարածելու համար, որը կարող է բորբոքել հասարակական կարծիքը և տարածել չճշգրտված տեղեկություններ:
Իշխանություններն ընդգծել են, որ նման գործողությունները խախտում են օրենքը և կարող են բացասաբար ազդել բնակչության անվտանգության ու կարգուկանոնի ապահովման ընթացիկ գործողությունների վրա: Նրանք նաև կոչ են արել կենտրոնանալ միայն տեղեկատվության պաշտոնական աղբյուրների վրա:
