Եվրոպական արտաքին գործողությունների ծառայության (EEAS) խոսնակը հայտարարություն է տարածել, որում ողջունել է Իրանի շուրջ ստեղծված իրավիճակի վերաբերյալ ՄԱԿ-ի Անվտանգության խորհրդի բանաձևը։
«ԵՄ-ն ողջունում է ՄԱԿ-ի Անվտանգության խորհրդի 2817 բանաձևի ընդունումը, որը Բահրեյնի Թագավորությունը ներկայացրել է Պարսից ծոցի համագործակցության խորհրդի անդամ պետությունների՝ Քուվեյթի, Օմանի, Կատարի, Սաուդյան Արաբիայի, Արաբական Միացյալ Էմիրությունների և Հորդանանի անունից»,- ասվում է հայտարարության մեջ։
Նշվել է, որ ԵՄ-ն համերաշխություն է հայտնում ՄԱԿ-ի Անվտանգության խորհրդի վճռական աջակցությանը «ՊԾՀԽ երկրների և Հորդանանի տարածքային ամբողջականությանը, ինքնիշխանությանն ու քաղաքական անկախությանը և ամենախիստ կերպով դատապարտում է Իրանի հարձակումները նրանց տարածքների վրա»։
ԵՄ-ն վերահաստատել է Իրանին ուղղված իր կոչը՝ անհապաղ դադարեցնել հարձակումները։
