Ռուսաստանը Թուրքիային 9 մլրդ դոլար նոր ֆինանսավորում է տրամադրել «Աքկույու» ատոմակայանի համար՝ հայտնել է Թուրքիայի էներգետիկայի նախարար Ալփարսլան Բայրաքթարը:
«Այդ միջոցները, ամենայն հավանականությամբ, կօգտագործվեն 2026-2027 թվականներին։ Դրանցից առնվազն 4-5 միլիարդ դոլար կներգրավվի 2026 թվականին օտարերկրյա ֆինանսավորման տեսքով»,- Reuters-ի փոխանցմամբ՝ ասել է նախարարը:
2010 թվականի համաձայնագրի համաձայն՝ «Ռոսատոմը» կառուցում է երկրում առաջին ատոմային էլեկտրակայանը, որը գտնվում է Միջերկրական ծովի Մերսին նահանգում: Ակնկալվում էր, որ «Աքկույու» ատոմակայանը շահագործման կհանձնվի այս տարի, սակայն գործարկումը հետաձգվել է:
Թուրքիայի Էներգետիկայի նախարարը նաև հայտարարել է, որ Անկարան բանակցություններ է վարում Հարավային Կորեայի, Չինաստանի, Ռուսաստանի և ԱՄՆ-ի հետ Սինոպ նահանգում և Թրակիայի շրջանում միջուկային նախագծերի վերաբերյալ՝ հավելելով, որ Թուրքիան ցանկանում է ստանալ առավել մրցունակ առաջարկ:
