Ուկրաինայի շուրջ իրավիճակին է անդրադարձել Դոնալդ Թրամփը: Սպիտակ տան ղեկավարի խոսքով՝ ամերիկյան կողմն այժմ խաղաղարար ջանքեր է գործադրում և, ի տարբերություն նախորդ վարչակազմի, չի ֆինանսավորում պատերազմը:
«Ես ութ հակամարտություն եմ կարգավորել։ Սա կլինի իններորդը։ Հեշտ իրավիճակ չէ, խառնաշփոթ է»,- մտահոգություն է հայտնել ԱՄՆ նախագահը և հավելել, որ իր ջանքերի համար Նոբելյան մրցանակի է արժանի։
Պետքարտուղար Մարկո Ռուբիոն էլ համոզմունք է հայտնել, որ Ռուսաստանը և Ուկրաինան ավելի քան երբևէ մոտ են խաղաղության: Նրա խոսքով՝ ի վերջո հենց հակամարտող կողմերը պետք է պատերազմը դադարեցնելու մասին որոշում կայացնեն:
«Այժմ նրանք բառացիորեն վիճում են մոտ 30-50 կիլոմետր տարածքի և Դոնեցկի շրջանի 20%-ի համար, որոնք Ուկրաինայի վերահսկողության տակ են»,- մանրամասնել է դիվանագետը։ Ռուբիոն հավելել է, որ Միացյալ Նահանգները չի կարող անվերջ աջակցել Կիևին:
