Այսօրվա հանդիպումը մեծ նշանակություն ունի երկու կողմերի համար: Այս մասին ՀՀ վարչապետ Նիկոլ Փաշինյանի հետ ընդայնված կազմով հանդիպմանը ասաց Ղազախստանի նախագահ Կասիմ-Ժոմարտ Տոկաևը:
«Հայաստանը Ղազախստանի համար առանցքային գործընկեր է առևտրային և տնտեսական կապերի համար»,- ասաց Տոկաևը:
Նրա խոսքով՝ երկու երկրների միջև բաց հարաբերություններ են՝ հիմնված փոխվստահության վրա:
«Մեր փոխադարձ համագործակցությունը սերտ է թե՛ տարածաշրջանային, թե՛ միջազգային հարթակներում: Մեր համագործակցությունը թե՛ առևտրատնտեսական, թե մշակութա-մարդասիրական, թե՛ կրթական ոլորտներում էապես և շարունակաբար զարգանում է:
Ցանկանում եմ ընդգծել, որ մեր միջպետական հարաբերությունները առաձնահատուկ են, և մենք ունենք մեծ հնարավորություններ բազմակողմանիորեն զարգացնել մեր համագործակցությունը: Այսօր մենք կստորագրենք պատմական փաստաթղթեր՝ ներառյալ փաստաթուղթ, որպեսզի բարձրացնենք մեր հարաբերությունները երկու երկրների միջև և դարձնենք ռազմավարական»,- ասաց Տոկաևը:
Ավելի վաղ տեղի էր ունեցել վարչապետի դիմավորման պաշտոնական արարողությունը: Ղազախստանի մայրաքաղաք Աստանայի կենտրոնական փողոցներից մեկը անվանակոչվել է Մեսրոպ Մաշտոցի անվամբ:
Վարչապետը հանդիպումներ կունենա նաև Ղազախստանի վարչապետ Օլժաս Բեկտենովի և Ղազախստանի խորհրդարանի Մաժիլիսի նախագահ Երլան Կոշանովի հետ:
