Oգոստոսի 29-ին լիագումար նիստ է հրավիրել «Երիտասարդական խորհրդարանը»: Նիստի օրակարգում ներառված է եղել երեք օրենսդրական նախաձեռնություն:
Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի անդամ, հիմնական զեկուցող Ասյա Գաբրիելյանը քննարկման է ներկայացրել օրինագիծ, որը վերաբերում է կրթության ոլորտում արհեստական բանականության գործիքի կիրառման համար իրավական հիմքերի ներդրմանը:
(103).jpg)
Մարդու իրավունքների պաշտպանության և հանրային հարցերի մշտական հանձնաժողովի անդամ Սոնա Օհանյանը նշել է, որ քննարկվող հաջորդ նախաձեռնության նպատակը հատկապես ազգային փոքրամասնությունների շրջանում վաղ ամուսնությունների կանխարգելումն է: Այս համատեքստում ընդգծվել է կրթության դերի և հասանելիության կարևորությունը:
(48).jpg)
Աշխատանքի և սոցիալական հարցերի մշտական հանձնաժողովի անդամ Նորայր Հարոյանն էլ տեղեկացրել է, որ հաջորդ օրինագծով առաջարկվում են կամավորական աշխատանքի դերի բարձրացմանն ուղղված մեխանիզմներ:
(11).jpg)
Քվեարկության արդյունքում հավանության արժանացած օրինագիծն առաջիկայում կքննարկվի ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովում:
Նշենք, որ երեք օրենսդրական նախաձեռնությունների քննարկմանն ու քվեարկությանը մասնակցել են նաև 2025 թվականի «Ամառային դպրոց» ծրագրի մասնակիցները:
(6).jpg)
Նիստի ավարտից հետո երիտասարդներին ողջունել և հաջողություններ են մաղթել ՀՀ ԱԺ աշխատակազմի ղեկավար-գլխավոր քարտուղար Դավիթ Առաքելյանը, Շվեդիայի Թագավորության դեսպանության զարգացման համագործակցության ղեկավար Կլաս Վալդենստրյոմը և ՄԱԶԾ նշտական ներկայացուցչի տեղակալ, ՄԱԶԾ մշտական ներկայացուցչի ժամանակավոր պաշտոնակատար Կոնստանտին Սոկուլսկին: Նրանք հույս են հայտնել, որ նման ծրագրերը կլինեն շարունակական և հնարավորություն կտան երիտասարդներին տեղում ծանոթանալու օրենսդրական աշխատանքի առանձնահատկություններին:
(2).jpg)
Այնուհետև երիտասարդներին հանձնվել են մասնակցության հավաստագրեր:
Նշենք, որ արդեն երկրորդ տարին է ՀՀ Ազգային ժողովը ՄԱԶԾ «Խթանելով Հայաստանի Հանրապետության Ազգային ժողովի արձագանքման կարողությունները, արդյունավետությունը, թափանցիկությունն ու ներառականությունը» ծրագրի հետ համատեղ իրականացնում է «Երիտասարդական խորհրդարան» ծրագիրը:
ՄԱԶԾ ծրագիրը ֆինանսավորվում է Շվեդիայի և Կանադայի կառավարությունների, ինչպես նաև ՀՀ Ազգային ժողովի կողմից:
