Հայաստանի Հանրապետության քննչական կոմիտեի նախագահ Արթուր Պողոսյանը խորհրդակցություն է անցկացրել Տավուշի մարզային քննչական վարչությունում, որին մասնակցել են Տավուշի մարզպետ Հայկ Ղալումյանը, Տարածքային քննչական վարչությունների գործունեության վերահսկողության գլխավոր վարչության պետի ժամանակավոր պաշտոնակատար Վահե Միրզոյանը, Հատուկ հանձնարարություններով գլխավոր վարչության պետ Արման Գալստյանը, Տավուշի մարզային քննչական վարչության պետ Արամ Հարությունյանը, մարզի դատախազ Արմեն Մուրադյանը, վեցերորդ կայազորային քննչական բաժնի պետ Արտակ Ոսկանյանը, Ներքին գործերի նախարարության, Ազգային անվտանգության ծառայության մարզային կառույցների ղեկավարները, մարզային քննչական վարչության քննչական բաժինների պետերը և քննիչները:
ՔԿ-ից տեղեկացնում են, որ Արամ Հարությունյանը Քննչական կոմիտեի նախագահին է ներկայացրել 2024 թվականի ընթացքում Տավուշի մարզային քննչական վարչության կատարած աշխատանքները:
Տավուշի մարզային քննչական վարչությունում 2024 թվականի ընթացքում քննվել է 2676 քրեական վարույթ, որից 423-ը փոխանցվել է 2023 թվականից, ևս 101 քրեական վարույթ ակտիվացվել է նախորդ տարիների պասիվացված վարույթներից: 2025 թվականի հունվար ամիս փոխանցվել է 537 վարույթ, որից 78-ը եղել են 1 տարուց ավելի ժամկետում քննվող:
2024 թվականին քննված 2676 քրեական վարույթից լուծվել է 2139 վարույթի ընթացք, որից դատավարական ավարտ են ունեցել 1357-ը, որից 347-ը՝ 362 անձի նկատմամբ մեղադրական եզրակացությամբ, 1-ը՝ եզրափակիչ ակտով ուղարկվել է դատարան, 1009-ը կարճվել է, որից 874-ը՝ ռեաբիլիտացնող, 135-ը՝ ոչ ռեաբիլիտացնող հիմքով: 267 վարույթ միացվել է, 114-ն ուղարկվել է այլ մարմին, 401-ը՝ պասիվացվել:
Հաշվետու ժամանակահատվածում աճել է դատարան ուղարկված վարույթներով արտադրողականությունը, որը կազմել է 13%՝ նախորդ տարվա նույն ժամանակահատվածի 12.4%-ի համեմատ: Մեկ քննիչի միջին ծանրաբեռնվածությունը եղել է 149 քրեական վարույթ:
Տավուշի մարզային քննչական վարչությունում ստացվել է առերևույթ հանցանքի վերաբերյալ 2256 հաղորդում, որից 2048-ով նախաձեռնվել է քրեական վարույթ:
2024 թվականի ընթացքում դատարան ուղարկված, ինչպես նաև՝ ոչ ռեաբիլիտացնող հիմքով կարճված քրեական վարույթներով պատճառված գույքային վնասի չափը կազմել է 134 մլն 989 հզր ՀՀ դրամ, որից վերականգնվել է 42 մլն 539 հզր ՀՀ դրամը:
Հաշվետու ժամանակահատվածում անչափահասների կողմից կատարված հանցագործությունների դեպքերով քննվել է 24 քրեական վարույթ, որից 5-ն ուղարկվել է դատարան, 11-ը կարճվել է, 2-ը պասիվացվել է, 1-ը՝ միացվել այլ վարույթի, 5-ը փոխանցվել է 2025 թվականի հունվար ամիս:
Նույն ժամանակահատվածում անչափահասների նկատմամբ կատարված հանցագործությունների դեպքերով քննվել է 62 քրեական վարույթ, որից 7-ն ուղարկվել է դատարան, 23-ը կարճվել է, 10-ը հաշվառվել է որպես անհրաժեշտ վարութային և ապացուցողական գործողությունները կատարված, 3-ը միացվել է, 19-ը փոխանցվել է 2025 թվականի հունվար ամիս:
2024 թվականի ընթացքում քննվել է կոռուպցիոն բնույթի հանցագործությունների վերաբերյալ 20 քրեական վարույթ, որից 1-ն ուղարկվել է դատարան, 2-ը կարճվել է ոչ ռեաբիլիտացնող հիմքով, 1-ը պասիվացվել է, 5-ն ուղարկվել է այլ մարմին:
2024 թվականի դեկտեմբերի 2-ի դրությամբ առկա է եղել 1 տարուց ավելի ժամկետով քննվող 78 քրեական վարույթ:
2025 թվականի առաջին եռամսյակի ընթացքում լուծվել է 1 տարուց ավելի ժամկետում քննվող 49 քրեական վարույթի ընթացք, որից 8-ը մեղադրական եզրակացությամբ ուղարկվել է դատարան, 26-ը կարճվել է, 1-ը՝ միացվել է այլ վարույթի, 3-ն՝ ուղարկվել է այլ մարմին, 10-ը՝ պասիվացվել է, 1-ով կասեցվել է հետապնդման ժամկետը, իսկ 2025 թվականի հունիսի 20-ի դրությամբ լուծվել է 1 տարի և ավել ժամկետում քննվող 179 քրեական վարույթի ընթացք:
2025 թվականի ընթացքում դատարան ուղարկված, ինչպես նաև՝ ոչ ռեաբիլիտացնող հիմքով կարճված քրեական վարույթերով պատճառված գույքային վնասի չափը կազմել է 124 մլն 40 հզր 443 ՀՀ դրամ, որից վերականգնվել է 118 մլն 701 հզր 193 ՀՀ դրամը (ներառված է նաև համարժեք գույքի արժեքը):
ՀՀ քննչական կոմիտեի Տավուշի մարզային քննչական վարչությունում 2025 թվականի առաջին եռամսյակի ընթացքում քննվել է 1217 քրեական վարույթ, որից 537-ը փոխանցվել է 2024 թվականի դեկտեմբերից:
2025 թվականի առաջին եռամսյակի ընթացքում քննված 1217 քրեական վարույթից լուծվել է 440 վարույթի ընթացքը, որից դատավարական ավարտ են ունեցել 268-ը:
2025 թվականի հունիսի 20-ի դրությամբ քննված քրեական վարույթներով հանցանքի կատարմանը նպաստող հանգամանքների վերացման ուղղությամբ միջոցներ ձեռնարկելու վերաբերյալ համապատասխան իրավաբանական և պաշտոնատար անձանց քննիչի կողմից ներկայացվել է 8 միջնորդագիր:
Վեցերորդ կայազորային քննչական բաժնի պետը ևս ներկայացրել է 2024 թվականի ցուցանիշները:
2024 թվականին գրանցվել է 253 հաղորդում, որից 234-ով նախաձեռնվել է քրեական վարույթ:
2024 թվականի ընթացքում քննվել է 919 քրեական վարույթ, որից 615-ը փոխանցվել է 2023 թվականից: 919 քրեական վարույթից ավարտվել է 240-ի նախաքննությունը:
2024 թվականին դատարան ուղարկված, ոչ ռեաբիլիտացնող հիմքով կարճված քրեական վարույթներով պետությանը պատճառվել է 9 մլն 483 հզր 836 ՀՀ դրամի նյութական վնաս, որից վերականգնվել է 4 մլն 18 հզր 868 ՀՀ դրամը:
2024 թվականին ըստ քննված քրեական վարույթների 1 քննիչի ծանրաբեռնվածությունը կազմել է 58 քրեական վարույթ, իսկ նույն ժամանակահատվածում ըստ դատավարական ավարտի` 40:
Խորհրդակցության արդյունքներով Քննչական կոմիտեի նախագահը գոհունակությամբ շեշտել է, որ էական առաջընթաց է գրանցվել 2 տարուց ավելի ժամկետում քննվող քրեական վարույթների քանակի նվազման և դրանց ընթացքը լուծելու ուղղությամբ կատարված աշխատանքներում՝ ընդգծելով այդ ուղղությամբ տրված հանձնարարականների պահանջներն անշեղորեն և հետևողականությամբ շարունակելու անհրաժեշտությունը:
Արթուր Պողոսյանը խորհրդակցության ընթացքում անդրադարձել է ապօրինի անտառահատումների և ապօրինի ընդերքօգտագործման դեպքերին և հանձնարարել է այդ դեպքերով շարունակել անհրաժեշտ հետևողականությունը քրեական վարույթների բնականոն ընթացքն ապահովելու և պետությանը պատճառված վնասը վերականգնելու ուղղությամբ:
Հանձնարարվել է նաև հետևողականություն ցուցաբերել հանցանքի կատարմանը նպաստող հանգամանքները պարզելու և առարկայական միջնորդագրեր ներկայացնելու, ինչպես նաև կոռուպցիոն բնույթի հանցագործությունների վերաբերյալ քրեական վարույթների ընթացքը ողջամիտ ժամկետում լուծելու ուղղությամբ:
Խորհրդակցության վերջում Քննչական կոմիտեի նախագահը շրջայց է կատարել մարզային քննչական ստորաբաժանումներում:
