Առավել զգալի վնասներ են գրանցվել Ուկրաինայի հարավում գիշերը տեղի ունեցած պայթյուններից հետո։ Այդ մասին հայտնել է երկրի նախագահ Վոլոդիմիր Զելենսկին։
Գիշերն Օդեսայի մարզի Իսմայիլ քաղաքում, որը Դանուբի խոշոր նավահանգիստն է, պայթյուններ են տեղի ունեցել։ Օդեսայի նահանգապետ Օլեգ Կիպերն ավելի ուշ հայտնել է, որ տարածաշրջանի արդյունաբերական և նավահանգստային ենթակառուցվածքի օբյեկտներում հրդեհներ են բռնկվել: Ուկրաինական ԶԼՄ-ները տեղեկացրել են, որ Օդեսայի մարզի Իսմայիլ քաղաքում պայթյունների հետևանքով հրդեհվել է նաև նավթաբազան:
Պայթյուններ են տեղի ունեցել Ուկրաինայի հյուսիս-արևելքում գտնվող Սումիի շրջանում:
