Հզօր երկրաշարժին հետևանքով Թուրքիոյ և Սուրիոյ մէջ կան հազարէն աւելի զոհեր, որոնց մէջ նաև հայեր և շատ մը վիրաւորներ:
Վարչապետ Փաշինեան ցաւակցութիւն յայտնեց Թուրքիոյ և Սուրիոյ մէջ պատահած աւերիչ երկրաշարժին տխուր առիթով:
Արարատ Միրզոյեան Պերլինի մէջ հանդիպումներու ընթացքին անդրադարձաւ Հարաւային Կովկասի մէջ կայունութեան և անվտանգութեան մարտահրաւէրներուն, Ատրպէյճանի կողմէն Լաչինի միջանցքի արգելափակման հետևանքով Լեռնային Ղարաբաղի մէջ ստեղծուած մարդասիրական ճգնաժամին:
Ատրպէյճան կրկին փակեց Հայաստանէն Արցախ հասնող միակ կազատար խողովակը:
Շրջափակման հետևանքով Արցախի պետական պիւտճէի հարկային եկամուտներն ու տուրքերը նուազած են:
Արցախի Հասարակական կազմակերպութիւնները հրապարակած են շրջափակման ժամանակ Ատրպէյճանի կողմէն մարդու իրաւունքներու խախտումներուն վերաբերեալ զեկոյց:
Ուքրանիոյ Պաշտպանութեան նախարարը նշեց, որ Փետրուարին ռուսական զինուած ուժերու նոր յարձակումներ կը սպասուին:
Զելենսքին խորհրդարան ներկայացուցած է ռազմական դրութիւնը և համընդհանուր զօրահաւաքը երկարաձգելու մասին օրինագիծերը:
Հեղինակ՝ Անի Զէյթունցեան