Ուկրաինայի զինված ուժերը մտել են Խերսոն ու շրջանի վարչական շենքի վրա կախել են Եվրամիության և Ուկրաինայի դրոշները՝ գրում է BBC-ն: Լրատվական գործակալությունը հայտնում է նաև, որ ամբողջությամբ փլուզվել է Անտոնովսկի կամուրջը, որով մինչև վերջերս դեռ կարելի էր ոտքով անցնել:
Խերսոնից հեռանալիս ռուսական ուժերը պայթեցրել են էներգետիկ ենթակառուցվածքի օբյեկտը և ջրանցքը։ Արդյունքում՝ քաղաքը ժամանակավորապես մնացել է առանց էլեկտրականության և ջրի։ Այդ մասին ուկրաինական հեռուստատեսության եթերում ասել է Խերսոնի քաղաքային խորհրդի պատգամավոր Յուրի Ստելմաշենկոն։