Ուկրաինական կողմի հետ բանակցությունները կկայանան այսօր: Այս մասին առցանց մամուլի ասուլիսի ժամանակ հայտնել է Ռուսաստանի արտաքին գործերի նախարար Սերգեյ Լավրովը:
«Վստահ եմ, որ Ուկրաինայի շուրջ ճգնաժամի լուծումը կգտնվի. Ռուսաստանի պայմանները նվազագույնն են։ Մոսկվան չի կարող թույլ տալ, որ Ուկրաինայի տարածքից Ռուսաստանի նկատմամբ անմիջական հարձակման վտանգ լինի»,- ասել է Լավրովը:
Դիվանագետի խոսքով՝ Արևմուտքը չի կարող Մոսկվայի փոխարեն որոշել, թե ինչ է անհրաժեշտ Ռուսաստանի անվտանգության համար։
«Կասկած չկա, որ Ուկրաինայի պատվիրակությունը բանակցություններում ազդանշաններ է ստանում Վաշինգտոնից։ ԱՄՆ-ն իրեն է ենթարկում Եվրոպան, ինչպես ժամանակին դա արել են Նապոլեոնը և Հիտլերը»,- հավելել է ՌԴ ԱԳ նախարարը: