Լեհական օրենքը վրդովեցրել է հրեաներին: Անտեսելով հարյուրավոր դատական գործընթացներն ու միլիոնավոր զլոտիները, Լեհաստանի իշխանություններն ընդունել են օրենք, որով չեղյալ է հայտարարվում Հոլոքոստի տարիներին հրեաներից վերցված գույքի վնասը փոխհատուցելու հնարավորությունը: Այս մասին գրում է РИА Новости-ն:
Վեճի առիթ է դարձել և այն միջազգայնացրել բնակարանային խնդիրը: Լեհաստանի Սեյմն ընդունել է Վարչական օրենսգրքում կատարված փոփոխություններ, որոնց համաձայն՝ այն ամենը, ինչ խլվել է ավելի քան 30 տարի առաջ, հնարավոր չէ վերադարձնել:
Ընդունված փաստաթուղթը խստորեն զայրացրել է Իսրայելին, որտեղ ապրում է Լեհաստանի հրեաների հետնորդների մեծ մասը: Երկրի արտաքին գործերի նախարար Յաիր Լապիդը հանդես է եկել կոշտ արտահայտություններով՝ օրենքը համարելով «սարսափելի անարդարություն, ամոթ, Հոլոքոստի զոհերի, նրանց սերունդների և հրեական համայնքների սերունդների իրավունքի խախտում, որոնք Լեհաստանում ապրել են մի քանի դար»:
Հարցը, սակայն, չի սահմանափակվել միայն Իսրայելով: Փոխհատուցման վճարումից Վարշավայի հրաժարվելն առաջացրել է նույնիսկ նրա ամենամոտ դաշնակիցների վրդովմունքը: Օրենքին դեմ են Բրյուսելը և Վաշինգտոնը:
2018 թվականից Սպիտակ տունն ընդունել է օրենք, որի համաձայն Ամերիկան պարտավորվել է վերահսկել «Հոլոքոստի տարիներին կորցված հրեական ունեցվածքի փոխհատուցման ապահովումն» ամբողջ աշխարհում:
Լեհական լրատվամիջոցները կանխատեսում են, որ նոր օրենքը կարող է պատճառ դառնալ Լեհաստանի հեռացմանը Եվրամիությունից: