Կանադայի, Ֆրանսիայի, Գերմանիայի, Իտալիայի, Ճապոնիայի, Միացյալ Թագավորության և ԱՄՆ-ի արտաքին գործերի նախարարները, նաև Եվրամիության գերագույն ներկայացուցիչը դատապարտել են ռուս քաղաքական գործիչ Ալեքսեյ Նավալնու թունավորումը, նշել, որ քիմիական զենքի օգտագործումն անընդունելի է և հակասում է միջազգային նորմերին՝ գրում է Deutsche Welle:
Գերմանիան G7-ին տեղեկացրել է, որ Նավալնին «Ռուսաստանում մշակված «նովիչոկ» խմբից նյարդա-պարալիտիկ ազդեցության քիմիական թունավոր նյութի զոհ է»,- ասված է G7-ի հայտարարության մեջ:
Արևմուտքը Նավալնու վրա հարձակումը համարել է հերթական լուրջ հարվածը Ռուսաստանում ժողովրդավարությանն ու քաղաքական բազմակարծությանը և սպառնալիք երկրում քաղաքական, քաղաքացիական իրավունքների ու ազատությունների այլ պաշտպաններին: