Ստամբուլի Սբ․ Սոֆիայի տաճարը մզկիթի վերածելուց հետո Թուրքիայի նախագահ Ռեջեփ Թայիփ Էրդողանը ևս մեկ բյուզանդական պատմական տաճար մզկիթի վերածելու հրաման է ստորագրել, գրում է Ermenihaber-ը։
Քարիյե անունով հայտնի և 1945-ից թանգարանի կարգավիճակ ունեցող Խորի Սուրբ Ամենափրկիչ եկեղեցին վերանորոգման աշխատանքների ավարտից հետո կվերաբացվի որպես մզկիթ։
Նշենք, որ Խորի Սբ․ Ամենափրկիչը մեկն է այն բյուզանդական տաճարներից, որոնք Կոստանդնուպոլսի գրավումից (1453թ․) հետո օսմանյան թուրքերը վերածեցին մզկիթի:
6-րդ դարում կառուցված, ապա մի քանի անգամ վերակառուցված Խորի վանքը 1511թ. Բայազիդ 2-րդ սուլթանի մեծ վեզիր Աթիք Ալի փաշայի կողմից վերածվել էր մզկիթի ու կոչվել Ալի փաշայի մզկիթ կամ Քարիյե մզկիթ։
1945 թվականին Թուրքիայի Հանրապետության կառավարության որոշմամբ՝ Քարիյե մզկիթը վերանորոգումից հետո բացվել էր որպես թանգարան։
