Մալայզիայի թագավորն ու թագուհին կարանտինի մեջ են՝ գրում է РИА-Новости-ն: Ամուսինները վարակի ախտորոշման թեստ են հանձնել այն բանից հետո, երբ կորոնավիրուս է հայտնաբերվել թագավորական պալատի յոթ աշխատակիցների մոտ: Կայքը մասնավորապես գրում է. «Նորին Գերազանցությունների թեստերը բացասական են եղել, սակայն նրանք պետք է 14-օրյա կարանտինի մեջ լինեն, որը սկսվել է նախօրեին»:
Մալայզիայի առողջապահության նախարարությունից հայտնում են, որ երկրում, ընդհանուր առմամբ, վարակվածների թիվը մոտ 1800 է, մահացել է 21 մարդ, ապաքինվել՝ 199-ը: