Շարունակվում են ԱՄՆ Սենատի կողմից Հայոց Ցեղասպանության ճանաչման և դատապարտման բանաձևին ուղղված թուրքական արձագանքները:
Թուրքիայի փոխնախագահ Ֆուաթ Օքթայը հայտարարել է, որ ԱՄՆ Սենատը բանաձև ընդունելով, այսպես կոչված, Հայոց ցեղասպանության մասին, փորձում է պատմությունը վերաշարադրել կեղծ տվյալների հիման վրա:
«Պատմության իրական վկաները ոչ թե Սենատի կամ Խորհրդարանի որոշումներ են, այլ պատմական արխիվներ: Մեր բոլոր արխիվները բաց են գիտնականների և պատմաբանների համար: Մենք դատապարտում ենք ԱՄՆ Սենատի որոշումը և մերժում ենք այն»,- Twitter-ի իր պաշտոնական միկրոբլոգում հայտարարել է Օքթայը: