Թուրքիայի դատախազությունը մոտ 190 մարդու ձերբակալության հրաման է ստորագրել՝ Ֆեթուլլահ Գյուլենի շարժման դեմ պաշտոնական Անկարայի կողմից սկսված հակաահաբեկչական պայքարի շրջանակում: Կասկածյալների թվում կա ավելի քան 100 զինվորական: Ոստիկանությունն օպերատիվ գործողություններ է սկսել երկրի 35 շրջանում:
Հիշեցնենք, որ 2016 թ. Թուրքիայում տեղի ունեցած ռազմական հեղաշրջման անհաջող փորձի համար պաշտոնական Անկարան մեղադրում է գյուլենականներին: Հիմնական դիմակայությունը տեղի է ունեցել Անկարայում և Ստամբուլում, որի ժամանակ զոհվել էին հարյուրավոր մարդիկ, ավելի քան 2 հազարը՝ վիրավորվել: