«Էրդողանը հետապնդում է նրանց, ովքեր դատապարտում են Հայոց ցեղասպանության փաստը»,- իր խոսքում նշել է օրենսդիր Մակգովերնը։
Վաշինգտոնի Շերիդան հրապարակում նախօրեին հանրահավաք էր: Հայ դատի կառույցը բողոքի միջոցառում է կազմակերպել Թուրքիայի դեսպանի նստավայրի մոտ։ Ձեռնարկին արձագանքել են նաև ամերիկյան կոնգրեսականներ` Ջոն Սարբեյնսը, Ջիմ Կոստան, Դանա Ռորբահերը, Ջիմ Մակգովերնը, ընդհանուր թվով վեց օրենսդիր։ Այն նույն վայրում, որտեղ մայիսի 16-ին Թուրքիայի նախագահի թիկնազորը վայրագորեն գրոհեց խաղաղ ցուցարարների վրա: Ամերիկացի օրենսդիրները, ամերիկահայերը, քուրդ և եզդի համայնքների ներկայացուցիչներն ու մյուս մասնակիցներն Անկարայից պահանջեցին հարգել օրենքը և թուրքական բռնապետության ավանդույթները չփոխադրել ամերիկյան պետության տարածք։
