Ապօրինի ծառահատման հերթական դեպքն է գրացվել «Դիլիջան» ազգային պարկում:
Հաղարծին տեղամասի «Քյոլոզի ձոր» հանդամասում հայտնաբերվել են 14 կաղնու և 3 բոխու կոճղեր, մոտ 2 խորանարդ մետր կաղնու փայտանյութ, 5 կաղնի էլ տապալված է եղել: Պարկի Հաղարծին տեղամասի տեսուչ Մարինե Պետրոսյանը հայտնել է, որ հունիսի 5-ի երեկոյան նկատել է երկու անձանց, որոնք բենզասղոցով փայտանյութ են մանրացրել: Հայտանաբերված փայտանյութն ի պահ է հանձնվել պարկի Հաղարծին տեղամասի անտառապահին: Ոստիկանությունը հետաքննություն է սկսել դեպքի հանգամանքները բացահայտելու համար:
