CBS News-ը, հղում անելով պաշտոնյաներին, հաղորդում է, որ ԱՄՆ երրորդ հրթիռային ականակիրը՝ USS Rafael Peralta-ն, «Ազատություն» առաքելության շրջանակներում, անցնելով Հորմուզի նեղուցը, մտել է Պարսից ծոց։
Նրանց տվյալներով՝ ԱՄՆ ռազմածովային ուժերի բոլոր երեք նավերը, այդ թվում՝ USS Truxtun և USS Mason ականակիրները, ներկայումս գտնվում են Հորմուզի նեղուցի արևմտյան հատվածում՝ սպասելով հետագա հրահանգների։
Պաշտոնյաների խոսքով՝ դրանք բազմաշերտ պաշտպանական համակարգի մաս են կազմում, որը ներառում է ռազմանավեր, մարտական ինքնաթիռներ և հակաօդային պաշտպանության համակարգեր՝ պաշտպանելու ցանկացած առևտրային նավ, որը փորձում է նեղուցով դուրս գալու Պարսից ծոցից:
Ինչպես հաղորդում է Մերձավոր Արևելքում ԱՄՆ կենտրոնական հրամանատարությունը (CENTCOM), երկուշաբթի կործանիչների և ուղղաթիռների պաշտպանությամբ՝ Հորմուզով անցնելիս, USS Truxtun և USS Mason ականակիրները ենթարկվել են իրանական ուժերի հարձակման: Նրանց դեմ կիրառվել են հրթիռներ, անօդաչու թռչող սարքեր և արագընթաց նավակներ։ Ռազմական պաշտոնյաները հայտարարել են, որ նավերի պաշտպանական կարողությունները՝ ուժեղացված օդային աջակցությամբ, հաջողությամբ կասեցրել կամ հետ մղել են յուրաքանչյուր մոտեցող սպառնալիք: Նրանք հավելել են, որ արձակված զինամթերքից ոչ մեկը չի հասել նավերին, իսկ երկու իրանական նավակ խորտակվել է:
