Ուկրաինական հակամարտության կարգավորումը չի հետաձգվում Իրանում տեղի ունեցող իրադարձությունների պատճառով՝ ի հեճուկս բանակցությունների դադարի՝ հայտնել է Ռուսաստանի նախագահի մամուլի քարտուղար Դմիտրի Պեսկովը։
Նրա խոսքով՝ Ուկրաինայում իրավիճակի շուտափույթ կարգավորման հարցում շահագրգռված են բոլորը։
Պեսկովը նաև հաստատել է, որ տարածքային հարցն իսկապես կարևորագույններից մեկն է ճգնաժամի լուծման հարցում, սակայն կողմերը դեռ շատ այլ հարցեր պետք է լուծեն:
Ռուսաստանի և ԱՄՆ նախագահներ Վլադիմիր Պուտինն ու Դոնալդ Թրամփը նախօրեին կայացած հեռախոսազրույցում կարծիք են հայտնել, որ Ուկրաինայի հարցով բանակցությունների եռակողմ ձևաչափը պետք է շարունակել: Նշվել է, որ Վաշինգտոնն իր կողմից պատրաստ է շարունակել միջնորդական ջանքերը։
