Եվրոպական միության երկրների մեծամասնությունը՝ 25 պետություն, քվեարկել է վրացական դիվանագիտական անձնագրեր ունեցողների՝ առանց վիզայի ռեժիմի կասեցման օգտին, հայտնել է «Ազատություն» ռադիոկայանի եվրոպական բյուրոյի խմբագիր Ռիկարդ Յոզվյակը։
Նախաձեռնության օգտին քվեարկել է ԵՄ 25 երկիր, դեմ են եղել միայն Հունգարիան և Սլովակիան։
Որոշման համաձայն, որն ուժի մեջ կմտնի մարտի սկզբին, դիվանագիտական անձնագրեր ունեցողները կզրկվեն Միություն առանց վիզայի մուտք գործելու իրավունքից:
Վրաստանի և ԵՄ-ի միջև առանց վիզայի ռեժիմը գործում է 2017 թվականի մարտից: Անցյալ տարի ԵՄ ավելի քան 10 երկիր չեղյալ է հայտարարել այդ ռեժիմը Վրաստանի դիվանագիտական և ծառայողական անձնագրեր ունեցողների համար:
