Իրանի խորհրդարանը ԵՄ անդամ երկրների զինված ուժերը ճանաչել է ահաբեկչական կազմակերպություններ՝ հայտարարել է խորհրդարանի խոսնակ Մոհամմադ-Բաղեր Ղալիբաֆը։
««Պատասխան գործողությունների մասին» օրենքի յոթերորդ հոդվածի համաձայն՝ որպես պատասխան ԻՀՊԿ-ն (Իսլամական հեղափոխության պահապանների կորպուսը) ահաբեկչական կազմակերպություն հայտարարելուն, եվրոպական երկրների զինված ուժերը համարվում են ահաբեկչական խմբավորումներ, և այդ գործողությունների հետևանքների պատասխանատվությունը ընկնելու է ԵՄ-ի վրա»,- նրա խոսքերն է մեջբերել IRIB գործակալությունը։
Հինգշաբթի ԵՄ դիվանագիտության ղեկավար Կայա Կալասը հայտնել էր, որ Եվրամիությունը ԻՀՊԿ-ն ներառել է ահաբեկչական կազմակերպությունների ցանկում։
Բացի այդ, ԵՄ-ն պատժամիջոցներ էր սահմանել Իրանի անվտանգության և արդարադատության ոլորտների 15 պաշտոնյայի նկատմամբ։
Իրանի ԱԳ նախարար Աբբաս Արաղչին հայտարարել է, որ միությունը կատարել է ռազմավարական մեծ սխալ։ Նրա կարծիքով՝ Եվրոպան զբաղվում է ճգնաժամի կրակը բորբոքելով։
