Կիևի քաղաքապետը հայտնել է, որ այս գիշեր Ռուսաստանը բալիստիկ հրթիռներով հարվածներ է հասցրել Ուկրաինայի մայրաքաղաքին: Վիտալի Կլիչկոյի խոսքով՝ տարբեր շրջաններում հրդեհներ են բռնկվել, վնասվել են բնակելի շենքեր։ Հայտնի է մեկ զոհի և առնվազն 10 վիրավորի մասին: Ռուսական ուժերը թիրախավորել են նաև Դնեպրի շրջանի մանկապարտեզներից մեկը: Դնեպրի ձախ ափին հրշեջները փորձում են տեղայնացնել հրդեհի օջախները։
Ռուսաստանի պաշտպանության նախարարությունն էլ հայտնել է, որ գիշերը խոցվել է ուկրաինական 121 անօդաչու թռչող սարք, այդ թվում՝ Մոսկվայի, Լենինգրադի, Ռոստովի, Վոլգոգրադի, Բրյանսկի, Կալուգայի, Սմոլենսկի, Բելգորոդի մարզերում:
Մանրամասները՝ միջազգային տեսաշարում։
