ՆԳՆ ոստիկանությունը տեղեկացնում է, որ սեպտեմբերի 13-ին Գեղարքունիքի մարզում կայանալիք «ՀՀ վարչապետի գավաթ» խճուղային հեծանվավազքի մրցաշարի կազմակերպչական աշխատանքների համար սահմանափակվելու է որոշ ճանապարհների երթևեկությունը։
«Մասնավորապես՝ 10․00-14․00-ը երկկողմանի փակ է լինելու Ծովագյուղից մինչև Շողակաթի հանրային լողափ ընկած հատվածը։
Իսկ ժամը 10․00-11․30-ը միակողմանի փակ է լինելու Սևանի թերակղզուց մինչև Ծովագյուղ ընկած հատվածը․ Մ-4 ճանապարհահատվածի երթևեկությունը կկազմակերպվի մեկ գծով։
Ճանապարհը այդ հատվածում բացվելու է հեծանվորդների անցնելուց հետո»,- ասված է հաղորդագրությունում։
