Թաիլանդի և Կամբոջայի ներկայացուցիչները Կուալա Լումպուրում տեղի ունեցած բանակցությունների արդյունքում համաձայնության են եկել սահմանային լարվածության կարգավորման շուրջ:
Նշվում է, որ կողմերը համաձայնեցրել են հրադադարի ռեժիմի պահպանման վերաբերյալ 13 կետից բաղկացած համաձայնագիրը, երկու երկրների ներկայացուցիչները ստորագրել են սահմանային լարվածության կարգավորմանն ու սահմանային տարածքում խաղաղության վերականգնմանն ուղղված արձանագրությունները:
Բացի դրանից՝ Բանգկոկը և Պնոմ Պենը պատրաստակամություն են հայտնել Հարավարևելյան Ասիայի պետությունների ասոցիացիայի դիտորդական առաքելություն տեղակայել Մալայզիայի գլխավորությամբ՝ համաձայնագրի պայմանների կատարումը վերահսկելու համար:
Կողմերի միջև զինված բախումները տեղի են ունեցել հուլիսի 24-ի առավոտյան՝ երկկողմ սահմանի երկայնքով:
Միջազգային լուրերը՝ տեսաշարում։
