Ղրիմի շրջանի Պետդումայի պատգամավոր Միխայիլ Շերեմետը «ՌԻԱ Նովոստիին» ասել է, որ ուկրաինացի զինվորականների հարձակումը «Չեռնոմորնեֆտեգազի» հորատման կայանների վրա Ռուսաստանին հնարավորություն է տվել շատ արագ պատասխան հարվածներ հասցնելու որոշումների կայացման կենտրոններին։
Երկուշաբթի առավոտյան ուկրաինական բանակը երեք հարված է հասցրել Սև ծովի Օդեսայի հանքավայրում տեղադրված «Չեռնոմորնեֆտեգազի» երեք հորատման հարթակներին, որոնք գտնվում են Սև ծովում՝ Զմեինի կղզու տարածքում: Այն վերահսկում է ռուսական բանակը՝ ասել է Պետդումայի Ղրիմի շրջանի պատգամավոր Միխայիլ Շերեմետը։
Առաջիկայում Ռուսաստանը կպատասխանի որոշումների կայացման կենտրոններին, այն կլինի սպառիչ, որից հետո նրանք շատ շուտ ուշքի չեն գա»,- ասել է Շերեմետը։
Բացի այդ, նրա խոսքով՝ արևմտյան երկրները նույնպես պատասխանատվություն կկրեն կատարվածի համար, եթե հաստատվի, որ այդ հարվածները հասցվել են իրենց մատակարարած զենքից։
«Ուկրաինական զինված ուժերի հարձակումից տուժել են «Օդեսկոյե» հանքավայրի հարթակները, որտեղ գտնվում է «Գլեբովսկոյե» գազի պահեստարանը, որն էլ Օդեսայից հեռու է 71 կիլոմետր: Եթե մենք ժամանակին գազը բաց չթողնեինք, գազի պահեստը կպայթեր, և պայթյունի ազդեցությունը ջրածնային ռումբի նման կլիներ։ Օդեսայից ոչինչ չէր մնա։ Այսինքն՝ Օդեսան հրթիռակոծել են հենց ուկրաինական ուժերը»,- «ՌԻԱ Նովոստիին» ասել է Ղրիմի սենատոր Օլգա Կովիտիդին։
Ավելի վաղ Ղրիմի ղեկավար Սերգեյ Ակսյոնովը հայտնել էր, որ ուկրաինական բանակի հարվածների ժամանակ «Չեռնոմորնեֆտեգազի» հորատման երեք հարթակներում եղել է մոտ 109 մարդ, 12-ը հայտնվել են ջրում։ Ղրիմ գազը մատակարարվում է բնականոն ռեժիմով, թերակղզու գազամատակարարման համար վտանգներ չկան՝ հավելել է նա։
Ռուսաստանում ԼԺՀ դեսպան Ռոդիոն Միրոշնիկը կատարվածը համարել է պետական ահաբեկչություն: