Անկարան սահմանափակում է օտարերկրացիների գրանցումը երկրում՝ հայտնում է Anadolu գործակալությունը: Հունիսի 11-ին Թուրքիայի ներքին գործերի նախարար Սուլեյման Սոյլուն հայտարարել է, որ կասեցվել է այցելուների համար մշտական բնակության իրավունքի տրամադրումը Թուրքիայի այն շրջաններում, որտեղ օտարերկրացիներն ավելի շատ են, քան երկրի քաղաքացիները:
«Կասեցվել է օտարերկրացիների գրանցումը երկրի 781 շրջանում, որտեղ նրանց թիվը 25%-ից ավելի է տեղի բնակիչների նկատմամբ։ Հուլիսի 1-ից այդ թիվը կնվազի մինչև 20 տոկոս: Այսպիսով, օտարերկրյա քաղաքացիների գրանցումը չի իրականացվի շուրջ 1200 վարչական միավորներում»,- ասել է նախարարը։
Թուրքական լրատվամիջոցները պարբերաբար հայտնում են, որ իշխանությունների ուշադրության կենտրոնում է երկրի տարբեր շրջաններում անօրինական միգրանտների գտնվելու խնդիրը: Անցյալ տարի Ստամբուլի տարածքային միգրացիոն վարչությունը քրեական հետապնդում է իրականացրել մոտ 72 հազար միգրանտի նկատմամբ։ Նրանցից մոտ 23 հազարը արտաքսվել է հայրենիք, մնացած 40 հազարը հայտնվել է Թուրքիայի տարբեր շրջանների ժամանակավոր մեկուսարաններում։
Անկարան պատճառաբանել է, որ միգրացիոն քաղաքականությունը ստիպված է փոխել փախստականների պատճառով, որոնք Սիրիայի ու Աֆղանստանի ռազմական գործողություններից փախչում են Թուրքիա:
