48 ժամ, բիզնես նոր գաղափարներ, աննախադեպ մրցակցություն, արդյունքում՝ նոր ստարտափներ:
«Դիջիթեյնը» երկրորդ անգամ սկսեց M1TQ նախագիծը: Բայց այս անգամ Ստարտափ գաղափարների ինտենսիվ զարգացմանն ուղղված ձևաչափով՝ հեքեթոնի և աքսելերացիայի տարբերակով:
Մասնակիցների թիվը զարմացրել է անգամ կազմակերպիչներին՝ 300 դիմում, առաջին փուլն հաղթահարել է 200-ը, ներկայացվել է 50 գաղափար, որից 30-ի շուրջ մասնակիցները համախմբվել են՝ ստեղծելով ստարտափ թիմեր:
M1TQ նախագծի ղեկավար Մարիամ Փաշինյան - Ուրբաթ օրվանից բոլոր մասնակիցները հավաքվել են այս տարածքում, որը դուք տեսնում եք, ու նրանց հնարավորություն էր տրված համախմբել թիմակիցներ իրենց գաղափարի շուրջ: Էստեղ ստեղծված էին բոլոր պայմանները՝ վրաններ, մատռասներ, որ մասնակիցները կարողանան գիշերել:
Այսինքն՝ ստեղծել դժվար միջավայր, որպեսզի մասնակիցները դուրս գան իրենց հարմարավետության գոտուց և ավելի ինտենսիվ մտածեն՝ նշում է նախագծի ղեկավարը:
Մարիամ Փաշինյան - 50 գաղափար ներկայացնողները, որոնք այդ գաղափարի հեղինակներն էին, Idea formation էդ փուլն անցան, որտեղ team formation-ը հաջորդեց, և team formation-ի ժամանակ փորձեցին իրենց գաղափարի շուրջ թիմակիցներ համախմբել: 30 ստարտափ ձևավորվեց թիմերի կազմավորման փուլում:
Նախագիծը համագործակցում է Էստոնական Garage48 կազմակերպության հետ, որն ավելի քան 30 երկրում կազմակերպել է այսպիսի 200-ից ավելի միջոցառում՝ ստեղծելով շուրջ 3000 գաղափար ու 1000 աշխատանքային նախատիպ։ «Դիջիթեյնի» հետ առաջին համագործակցությունից տնօրենը զարմացած է՝ այնքան շատ գաղափարներ կան՝ նշում է նա:
Garage48-ի գործադիր տնօրեն Մարի Հանիկաթ - Սա վերջին երեք տարում մեր ամենամեծ միջոցառումն է: Թիմերի, ստարտափերի հետ խոսելը այս միջոցառման շրջանակում իմ աշխատանքի ամենահաճելի մասն է: Ես պետք է մենթորություն անեմ, հետևեմ նրանց առաջընթացին: Իսկապես յուրահատուկ հնարավորություն է տեսնել, թե քանի նախնական գաղափար այս օրերին կդառնա աշխատանքային նախատիպ:
Արման Բարսեղյան (նախագծի մասնակից) - Այս հեքեթոնին ներկայացնում ենք վիտուալ իրականության հիման վրա հիմնված training center, որը նախատեսված է տարբեր կազմակերպությունների համար, որոնք զբաղվում են իրենց աշխատողների թրեյնիգներով, ու նաև իրենց գիտելիքների թարմացմամբ:
Մասնակից Արման Բարսեղյանը իրենց ստարտափն է ներկայացնում: Այսպես 30 թիմ 48 ժամում հասցրին տարբեր նախատիպեր ստեղծել ու ներկայացնել ժյուրիին, որոնց թվում էր նաև բարձր տեխնոլոգիական արդյունաբերության նախարարի տեղակալ Դավիթ Սահակյանը:
Բարձր տեխնոլոգիական արդյունաբերության նախարարի տեղակալ Դավիթ Սահակյան - Շնորհավորում եմ, որ ունենք հնարավորություն՝ մասնակցելու այդ միջոցառմանը: Ձեզ խորհուրդ եմ տալիս առավելագույնը փորձել քաղել էն ամեն ինչից, ինչը որ հնարավորություն կունենաք ստանալու. գիտելիք, փորձ, շփումներ:
30 ստարտափերներից հաջորդ փուլ անցան 14-ը. նրանք դեռ անցնելիք ճանապարհ ունեն՝ 12-շաբաթյա աքսելերացիոն ծրագիր: Նախագիծը կավարտվի ցուցադրական օրով, որին ներկա կլինեն էստոնական 4 խոշոր վենչուրային կապիտալներ, միջազգային և տեղական ներդրողներ:
Կազմակերպիչները հույս ունեն՝ օրինակը կլինի վարակիչ: Վստահեցնում են՝ լավագույն գաղափարները կարող են կյանքի կոչվել հենց «Դիջիթեյնի» հովանու ներքո։
Հեղինակ՝ Տաթև Խաչատրյան
