Սյունիքի մարզում նոյեմբերի 18-ի դրությամբ՝ պատվաստվել է 40 902 քաղաքացի, որից առաջին դեղաչափն ստացողները՝ 28 867-ն են։ Այս մասին հայտնում են Սյունիքի մարզպետարանից:
Նշվում է, որ նախորդող շաբաթվա ընթացքում Սյունիքի մարզում գրանցվել է նոր կորոնավիրուսային հիվանդությամբ վարակվելու 220 նոր դեպք, առողջացել է 310 մարդ, 96-ը բուժվում է Կապանի և Գորիսի ԲԿ-ներում, 588 մարդ բուժվում է ամբուլատոր պայմաններում։ Գրանցվել է 11 մահ։
