Դանիացիները պահպանում են դելֆինների դաժան սպանության դարերից եկող ավանդույթը: Ֆարերյան կղզիներում տեղի է ունեցել «գրինդադրափ» կոչվող դելֆինների ավանդական որսը՝ գրում է Euronews-ը:
Այս տարի ձկնորսները ծանծաղ ջրեր են քշել ու սպանել ավելի քան 1400 ծովային կաթնասունների: Նրանցից ստանում են միս ու ճարպ: Հեռավոր կղզիների բնակիչների համար, դարեր շարունակ, դա գոյատևման միակ միջոցն է եղել: Տեղական մշակույթը պահպանելու համար թույլատրվում է այդ կաթնասունների ոչ առևտրային որսը, ինչը, սակայն, մեծ վրդովմունք է առաջացնում բնապահպանների մոտ: