Ազատության հրապարակում հանրահավաք է անցկացրել «Ազգային ժողովրդավարական բևեռ» կուսակցությունը։ Քաղաքական այս ուժը վստահեցնում է, որ իրենք ունեն ազգային պետության հիմքեր դնելու նախագիծ և այդ ծրագրով էլ պայքարելու են խորհրդարանի արտահերթ ընտրություններին։
Առաջին հանրապետության օրվան նվիրված համերգային ծրագրից հետո դաշինքի նախաձեռնող խմբի անդամները խոսել են Հայաստանի անվտանգային խնդիրների, ներքաղաքական վիճակի մասին, ներկայացրել, թե ինչ մեխանիզմներով են աշխատելու և որոնք են այն առաջնահերթությունները, որոնցով հնարավոր է լուծել այդ խնդիրները։
Վահե Գասպարյան, «Ազգային ժողովրդավարական բևեռի» անդամ - Ես ողջունում եմ այն մարդկանց, որոնք ունեն խիզախում՝ պայքարելու հանուն իրենց իրավունքների, իրենց երկրի, պատվի ու արժանապատվության, անկախ պետականության և կրում են զանազան դժվարություններ: Այժմ մեր երկրում պարտադրված են խաղի նոր կանոններ, որի անունն է ընտրություն: Դա էլ պայքարի զենքերից մեկն է, և մենք որոշում ընդունեցին, որ չի կարելի հրաժարվել պայքարի այդ միջոցից:
