ԱԺ «Իմ քայլը» խմբակցության պատգամավոր Տաթևիկ Հայրապետյանը գրառում է կատարել Ֆեյսբուքի իր էջում՝ զգոնության կոչ անելով:
«Ադրբեջանի ՊՆ-ն դեռ երեկ խոստացել էր տեսանյութ հրապարակել Հադրութից, քանի որ իր երևակայական աշխարհում ապրող բռնապետը հայտարարություն էր արել Հադրութի և այլ բնակավայրերի մասին, իսկ փաստերն ամբողջությամբ այլ բանի մասին էին խոսում:
Այժմ, դժվար ձեռք բերված հրադադարից հետո անգամ ադրբեջանական կողմը չի հանդարտվում, շարունակում է խախտել պայմանավորվածությունը:
Պետք է շարունակենք զգոն լինել, միասնական, քանի որ թուրք-ադրբեջանական տանդեմը չի հրաժարվում իր նպատակներից: Փառք Հայոց բանակին, որ ամբողջությամբ տապալում է նրանց նպատակները:
