ԱՄՆ-ի և Իրանի միջև համաձայնագրի կնքումը «մեծ հաղթանակ» է Միացյալ Նահանգների համար` հայտարարել է ԱՄՆ փոխնախագահ Ջեյ Դի Վենսը։
Նրա խոսքով՝ գործարքը նշանակում է, որ «Իրանը երբեք միջուկային զենք չի ունենա»։ «Այս դրույթը ներառված է համաձայնագրում»։
Fox News-ի հետ հարցազրույցում Վենսը նշել է, որ ԱՄՆ-ի և Իրանի միջև համաձայնագրի կնքումը կարող է հանգեցնել Մերձավոր Արևելքում հիմնարար փոփոխությունների հաջորդ 50 տարվա ընթացքում։
«Եթե իրանցիները պահպանեն այս գործարքի պայմանները, ապա դա արմատապես կփոխի Մերձավոր Արևելքն առաջիկա 50 տարում։ Դա վերջ կդնի պատերազմին, Մերձավոր Արևելքն ավելի գրավիչ կդառնա ներդրումների համար։ Դա կնշանակի բարգավաճում և էներգակիրների ավելի ցածր գներ ամերիկացի ժողովրդի համար»,- ասել է նա։
