Իրանը չի բանակցում Միացյալ Նահանգների հետ` հայտարարել է արտգործնախարարության խոսնակ Էսմայիլ Բաղաեին։
«Իրանի և ԱՄՆ-ի միջև բանակցություններ չկան, ինչպես որ չեն եղել վերջին 25 օրվա ընթացքում՝ Իրանի դեմ անօրինական պատերազմն սկսվելուց ի վեր», - Բաղաեի խոսքը մեջբերում է India Today հեռուստաալիքը:
Արտգործնախարարության խոսնակը նշել է, որ ԱՄՆ-ի հետ բանակցությունների փորձն Իրանի համար «աղետալի» է։
Ավելի վաղ New York Times թերթը, վկայակոչելով անանուն պաշտոնյաների, պնդել է, որ Վաշինգտոնը Թեհրանին է փոխանցել մերձավորարևելյան հակամարտությունից դուրս գալու` 15 կետից բաղկացած ծրագիրը՝ ԱՄՆ տնտեսության վրա դրա ուժեղացող ազդեցության ֆոնին:
Իրանը հարվածում է ԱՄՆ ռազմական թիրախներին Մերձավոր Արևելքում և Իսրայելի տարածքում՝ ի պատասխան Միացյալ Նահանգների ու Իսրայելի հարձակումների։ Հարձակման զոհերի թիվն արդեն ավելի քան 1300 խաղաղ բնակիչ է, 20 հազարից ավելին վիրավորվել է։
