Իրանի արտաքին գործերի նախարար Աբբաս Արաղչին քննադատել է ԱՄՆ նախագահ Թրամփի գործողությունները՝ պնդելով, որ Իսլամական Հանրապետության հետ միջուկային բանակցությունների նկատմամբ նրա մոտեցումը սխալ է և կործանարար։ Արաղչին ընդգծել է, որ «երբ միջուկային բարդ բանակցություններին վերաբերվում են որպես անշարժ գույքի գործարքի, և մեծ սուտը մթագնում է իրականությունը, անիրատեսական սպասումները երբեք չեն իրականացվում»։
Նա նաև նշել է, որ այդ մոտեցման արդյունքում որպես վրեժխնդրություն պայթեցվել է բանակցային սեղանը: Նա պնդել է, որ Թրամփը դավաճանել է ոչ միայն դիվանագիտությանը, այլև իրեն ընտրած ամերիկացիներին՝ մերժելով Իրանի հետ հակամարտության խաղաղ կարգավորման հնարավորությունը։
