Հունիսի 7-ի համապետական ընտրությանն ընդառաջ ընդդիմությունը չի թաքցնում, որ իր սցենարը Գյումրի-2-ն է: Փորձելու են մի քանի ուժով մասնակցել ընտրությանը, ապա խորհրդարանում հայտնվելով՝ միավորել մանդատները: Այստեղ, սակայն, էական մի տարբերություն կա: Փորձագիտական հանրույթի գնահատմամբ՝ եթե Գյումրիի ավագանիում հայտնված բոլոր ուժերը քվեարկեցին ամենաշատ ձայն ստացած ընդդիմադիր թեկնածուի օգտին, ապա այս դեպքում բոլոր ձայները գնալու են ոչ թե ամենաբարձր ռեյտինգ ունեցող ընդդիմադիր գործչին, այլ՝ Ռոբերտ Քոչարյանին:
Մասնագետների փաստարկմամբ՝ սոցիոլոգիական հետազոտությունները ցույց են տալիս, որ ընդդիմադիր քաղաքական ուժերից հեմամատաբար բարձր վարկանիշ ունի Սամվել Կարապետյանի կուսակցությունը: Սակայն, Կարապետյանը Սահմանադրությամբ չի կարող լինել ո՛չ պատգամավոր, ո՛չ վարչապետ: Ու քանի որ գիտակցում են՝ Քոչարյանը բարձր հակա-ռեյտինգ ունի, նրա թեկնածության դեպքում ընդդիմությունը ոչ մի շանս չունի: Այժմ փորձում են թաքցնել, որ հաջողության դեպքում մտադիր են վարչապետ առաջադրել հենց Քոչարյանին:
Այս համատեքստում վերլուծաբանները զգուշացնում են՝ թե՛ «Հայաստան» դաշինքին, թե՛ Գագիկ Ծառուկյանի «Բարգավաճ Հայաստանին», թե՛ Սամվել Կարապետյանի «Ուժեղ Հայաստանին» տրված յուրաքանչյուր քվե փաստացի գնալու է Ռոբերտ Քոչարյանի օգտին:
Հեղինակ՝ Իրինա Մկրտչյան
