Կատարի, Հորդանանի, Ինդոնեզիայի, Պակիստանի, Թուրքիայի, Սաուդյան Արաբիայի, Եգիպտոսի և ԱՄԷ-ի ԱԳ նախարարները համատեղ հայտարարություն են տարածել՝ դատապարտելով Գազայի խաղաղ ծրագրի իրականացման ճանապարհային քարտեզից Իսրայելի հրաժարվելը:
«Նման դիրքորոշումը հավասարազոր է համապարփակ ծրագրից ուղղակի հրաժարվելուն, վտանգի տակ է դնում դրա իրականացումն ու արմատապես խաթարում է արդար ու տևական խաղաղության հասնելուն ուղղված հավաքական ջանքերը»,- ասվում է X սոցիալական մեդիահարթակում հրապարակված հայտարարության մեջ։
Նշվում է, որ մերժումը «հաստատում է, որ Իսրայելն այժմ պատասխանատվություն է կրում Գազայում և Պաղեստինի օկուպացված մնացած տարածքներում խաղաղության ջանքերը խոչընդոտելու համար»։
Նախարարները նաև կոչ են արել Խաղաղության խորհրդին, Միացյալ Նահանգների ակտիվ աջակցությամբ և մասնակցությամբ, ձեռնարկել «անհապաղ և կոնկրետ միջոցներ»՝ կանխելու, որ որևէ կողմ չխոչընդոտի Գազայի պլանի իրականացումը։
