«Կրթվելը նորաձև է» շարժման աջակից ծրագրի «Նոր մեկնարկ» կրթաթոշակային նախագծի դիմորդների հերթական խումբն «Իմ քայլը» հիմնադրամի կողմից ստացել է առաջին կիսամյակի ուսման վարձերի փոխհատուցումը: Այս մասին հայտնում է հիմնադրամը:
Նրանցից 15-ը նախորդ երկու օրերի ընթացքում այցելել են հիմնադրամ՝ կրթաթոշակի տրամադրման պայմանագրերը ստորագրելու նպատակով։
««Նոր մեկնարկ» նախագիծը միտված է կրթության միջոցով նոր ուղի բացել այն մարդկանց համար, ովքեր տարբեր պատճառներով ստիպված են եղել դադարեցնել իրենց ուսումնառությունը և այժմ ցանկանում են վերադառնալ կրթական գործընթացին՝ ձեռք բերելով նոր հմտություններ ու հնարավորություններ։
Կրթաթոշակի շահառուներն են՝
1․ Լամարա Սարգսյան՝ ՀՊՄՀ, «Արվեստ և արհեստ»
2․ Գոհար Հայրապետյան՝ ՀՊՏՀ, «Առողջապահության կառավարում և վարչարարություն», մագիստրատուրա
3․ Քրիստինե Վարդանյան՝ ՀՀՊԿԱ, «Հանրային կառավարում»
4․ Հրաչիկ Բաղրամյան՝ ՀԱԱՀ, «Անասնաբուժական սանիտարական փորձաքննություն»
5․ Նարինե Ադամյան՝ ԵՊՀ, «Կրթության կառավարում», մագիստրատուրա
6․ Տիգրան Մանուկյան՝ Երևանի «Հայբուսակ» համալսարան, «Իրավագիտություն»
7․ Լիլիթ Հովհաննիսյան՝ ՇՊՀ, «Կրթության կազմակերպում»
8․ Տաթևիկ Պողոսյան՝ ՀՊՄՀ, «Օտար լեզուներ»
9․ Վարսիկ Բաբլոյան՝ ՀՊՄՀ, «Արտթերապիա»
10․ Քրիստինա Խալաթյան՝ ՀՊՄՀ, «Նախադպրոցական մանկավարժություն և մեթոդիկա»
11․ Օլյա Մելիքսեթյան՝ ՎՊՀ, «Տարրական մանկավարժություն և մեթոդիկա»
12․ Ռուզան Անտոնյան՝ ՀՊՄՀ, «Տարրական մանկավարժություն և մեթոդիկա», մագիստրատուրա
13. Թամարա Խառատյան՝ ԵՊՀ, «Ազգային անվտանգություն»
14․ Վալերի Մայիլյան՝ ՀԱԱՀ, «Անասնաբուժական սանիտարական փորձաքննություն»
15. Նազիկ Ավագյան՝ ԵՊՀ, «Հեռուստալրագրություն», մագիստրատուրա
Նախագծի շրջանակում ստացվել է շուրջ 400 հայտ, ինչը վկայում է շարունակական կրթության նկատմամբ բարձր հետաքրքրության մասին։ Ներկայումս 159 դիմումատու 2025-2026 ուսումնական տարում արդեն ընդունվել են Հայաստանի Հանրապետությունում գործող տարբեր քոլեջներ և բարձրագույն ուսումնական հաստատություններ:
Դիմումների մի մասը դեռ գտնվում է դիտարկման փուլում, իսկ դիմումատուների մյուս մասը՝ 42 անձ, նախատեսում է ուսումը սկսել հաջորդ ուսումնական տարվանից։
Միաժամանակ տեղեկացնում ենք, որ կրթաթոշակային նախագծի հայտագրման փուլը 2025-2026 ուսումնական տարվա համար ավարտվել է։ Հայտագրումը կվերսկսվի 2026-2027 ուսումնական տարվա ընդունելություններին զուգահեռ, որի վերաբերյալ լրացուցիչ տեղեկատվությունը կհրապարակվի «Իմ քայլը» հիմնադրամի պաշտոնական հարթակներում»,- ասվում է հիմնադրամի հաղորդագրության մեջ։
