Սիրիայի պաշտպանության նախարարությունից նշել են, որ քրդերի հետ մի քանի օր տևած կատաղի բախումներից հետո ռազմական գործողությունները դադարեցվում են։ Քրդական զինված խմբավորումներին մի քանի ժամ են տվել Հալեպի թաղամասերը լքելու համար: Սիրիական դեմոկրատական ուժերը դեռ չեն մեկնաբանել այդ պահանջը:
Սիրիական կառավարական բանակի և քրդական ուժերի միջև բախումների ընթացքում զոհվել է առնվազն 21 մարդ։ Հազարավոր քաղաքացիներ ստիպված են եղել լքել իրենց տները։
Ակնկալվում էր, որ ըստ Սիրիայի նոր իշխանության հետ ձեռք բերված համաձայնության՝ քրդական ուժերը պետք է ինտեգրվեն սիրիական բանակին մինչև 2025 թվականի վերջ։ Սակայն վերջին օրերին կողմերը մեղադրեցին իրար գործարքը ձախողելու համար։
Այս ֆոնին Սիրիայի նախագահ Ահմեդ աշ Շարաան հեռախոսազրույցներ է ունեցել Ֆրանսիայի և Թուրքիայի նախագահների հետ՝ քննարկելու տարածաշրջանային կայունության հետ կապված հարցեր: Շաարան ընդգծել է քաղաքացիական բնակչության պաշտպանության, Հալեպի անվտանգության ապահովման և երկրի վերակառուցումը խոչընդոտող անօրինական զինված գործողությունների դադարեցման կարևորությունը:
Մանրամասները՝ միջազգային տեսաշարում:
