Եվրահանձնաժողովի խոսնակ Պաուլա Պինյոն հայտարարել է, որ Եվրահանձնաժողովը հաստատել է Ռուսաստանի դեմ ԵՄ պատժամիջոցների 19-րդ փաթեթը՝ գրում է The Guardian-ը։
Ըստ Պինյոյի՝ Եվրահանձնաժողովի նախագահ Ուրսուլա ֆոն դեր Լայենը և Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը նոր պատժամիջոցների փաթեթի մանրամասները կներկայացնեն մամուլի հաղորդագրությունում։
Ավելի վաղ ֆոն դեր Լայենը նշել էր, որ 19-րդ փաթեթի սահմանափակումները կվերաբերեն կրիպտոարժույթներին, բանկերին և էներգետիկային։ Պատժամիջոցների նոր փաթեթով նախատեսվում է նաև հնարավորինս արագ հրաժարվել ռուսական հեղուկացված բնական գազից:
ՌԴ-ի նկատմամբ նոր սահմանափակող միջոցների վերաբերյալ Եվրահանձնաժողովի օրենսդրական առաջարկը պետք է միաձայն քվեարկությամբ հաստատվի ԵՄ խորհրդում:
