Ստամբուլյան բանակցություններից հետո Ուկրաինան պատվիրակություն է ուղարկել Վաշինգտոն: Այն գլխավորում է երկրի առաջին փոխվարչապետ Յուլիա Սվիրիդենկոն: Պատվիրակության կազմում են Ուկրաինայի նախագահի աշխատակազմի ղեկավար Անդրիյ Երմակը, ինչպես նաև պաշտպանության նախարարության ներկայացուցիչներ: Ուկրաինական կողմի տվյալով՝ այցի օրակարգում են հակառուսական պատժամիջոցների խստացման, պատերազմի ընթացքում Ռուսաստան տեղափոխված ուկրաինացի երեխաների վերադարձի, պաշտպանության ոլորտում Միացյալ Նահանգների հետ գործակցության հարցեր:
Կրեմլի խոսնակն էլ հայտարարել է, որ Մոսկվան ևս կապի մեջ է Վաշինգտոնի հետ: Դմիտրի Պոսկովի խոսքով՝ Թրամփ-Պուտին շփումներ հնարավոր են, եթե նման անհրաժեշտություն լինի: Սակայն, ըստ ռուս պաշտոնյայի՝ Պուտին-Թրամփ-Զելենսկի բանակցությունների հնարավորությունը մոտ ապագայում քիչ հավանական է:
Մանրամասները՝ միջազգային տեսաշարում:
