Ադրբեջանի նախագահ Իլհամ Ալիևն ընդունել է ԱՄՆ պետքարտուղարի էներգետիկ դիվանագիտության գծով տեղակալի խորհրդական Լաուրա Լոքմանին:
Ադրբեջանում ԱՄՆ դեսպանության տվյալով՝ Լոքմանը նախատեսում է հանդիպումներ անցկացնել նաև Ադրբեջանի կառավարության ներկայացուցիչների հետ, մասնակցել Հարավային գազային միջանցքի նախարարների խորհրդի 9-րդ նիստին:
Նշվում է, որ պետքարտուղարի տեղակալի խորհրդականը կքննարկի ԱՄՆ-ի աջակցությունը Ադրբեջանի էներգետիկ նախագծերին, ինչպես նաև Ադրբեջանի կարևորությունը Եվրոպայի էներգետիկ անվտանգության կայունացման հարցում, ներառյալ՝ Հարավային գազային միջանցքը:
Ամերիկացի դիվանագետի այցը կտևի մինչև փետրվարի 4-ը։