Ռուսաստանի արտգործնախարարությունը հայտարարել է, որ Շվեդիայի, Լեհաստանի և Գերմանիայի դիվանագետները, որոնք մասնակցել են Ռուսաստանում չարտոնված ցույցերին, ճանաչվել են անցանկալի անձ և շուտով կլքեն երկիրը, հաղորդում է bbc-ին:
Ինչպես ասվում է Արտաքին գործերի նախարարության հաղորդագրության մեջ, նախարարություն են կանչվել Շվեդիայի Թագավորության դեսպանը, Լեհաստանի Հանրապետության գործերի ժամանակավոր հավատարմատարը և Գերմանիայի դեսպանորդը:
«Դիվանագետներին բողոք է ներկայացվել 2021 թվականի հունվարի 23-ին Սանկտ Պետերբուրգում և Մոսկվայում դեսպանությունների աշխատակիցների մասնակցության կապակցությամբ: Ռուսաստանը նման գործողություններն անընդունելի է համարում, քանի որ դրանք չեն համապատասխանում նրանց դիվանագիտական կարգավիճակին», - ասվում է հաղորդագրության մեջ:
«Ռուսական կողմը նաև ակնկալում է, որ ապագայում Շվեդիայի Թագավորության, Լեհաստանի Հանրապետության և Գերմանիայի Դաշնային Հանրապետության դիվանագիտական ներկայացուցչությունները և նրանց անձնակազմը խստորեն կհետևեն միջազգային իրավունքի նորմերին», - հայտարարել է ԱԳՆ-ն: