ԱՄՆ նախկին սենատոր, հանրապետական Ջո Ուոլշը, որը պայքարում էր Միացյալ Նահանգների նախագահի պաշտոնի համար, որոշել է հրաժարվել ԱՄՆ նախագահ Դոնալդ Թրամփի հետ մրցակցությունից և դուրս է եկել մրցավազքից, հայտնել է CNN-ը:
Ըստ ալիքի՝ Ուոլշը ԱՄՆ Այովա նահանգում վերջերս կայացած փրայմերիզում ստացել է կուսակցության անդամների 1%-ի աջակցությունը: Նախկին սենատորը նշել է, որ Թրամփի դեմ պայքարի հիմքեր չի տեսնում:
Նախագահական մրցավազքից Ուոլշի դուրս գալուց հետո հանրապետականների շրջանում Թրամփի միակ մրցակից է դարձել Մասաչուսեթսի նախկին նահանգապետ Բիլ Ուելդը:
Այովայում Դեմոկրատական կուսակցության անցկացրած փրայմերիզում առաջատար են Փիթ Բութիջիչը՝ ձայների 26,2 տոկոսով և սենատոր Բեռնի Սանդերսը, որը նրան զիջել Է ընդամենը 0,1 տոկոսով:
