Ermənistan Respublikası ilə ABŞ arasında hərtərəfli strateji münasibətlər indiyədək olduğundan daha güclüdür. İkitərəfli gündəmimizdə tez-tez baş verən hadisələri nəzərə alsaq, tarixən görünməmiş bir mərhələyə qədəm qoyduğumuzu demək mübaliğə olmazdı. Bunu Ermənistan Respublikasının xarici işlər naziri Ararat Mirzoyan ABŞ dövlət katibi Marko Rubio ilə birgə bəyanatla çıxış edərkən bildirib.
Nazirin sözlərinə görə, ən vacib hadisə ötən il avqustun 8-də Vaşinqton Sülh Sammiti və onun çərçivəsində əldə edilən razılaşmalar olub. Nazir həmçinin yanvarın əvvəlində TRIPP layihəsinin həyata keçirilməsi üçün çərçivə haqqında yeni sənədin imzalanmasını xatırladıb.
“Bu gün Yerevanda TRIPP proqramı üzrə hökumətlərarası sazişi paraflaya bildik. Əlbəttə ki, bu, bu aylar ərzində birlikdə keçdiyimiz bütün yolu əhatə etmir. Biz artıq süni intelekt və yarımkeçiricilər, nüvə enerjisi sektoru üzrə öhdəliklər imzalamış və götürmüşük.
Bir an əvvəl minerallar, vacib minerallar və ən əsası, deyərdim ki, çətir sazişi, [yəni] Dövlət Departamenti ilə strateji tərəfdaşlığımızı yeni səviyyəyə qaldıraraq onu hərtərəfli strateji tərəfdaşlıq adlandırdığımızın şahidi oldunuz”, - deyə nazir bildirib.
Bu kontekstdə Ararat Mirzoyan həmçinin ABŞ Prezidenti Donald Trampın, onun bütün administrasiyasının, o cümlədən Dövlət katibi Marko Rubionun və digərlərinin Cənubi Qafqazda sülhün bərqərar olması prosesindəki rolunu və fədakarlığını vurğulayıb və yüksək qiymətləndirib.
“İndi imzalayaraq həyata keçirdiyimiz və sonradan reallıq kimi görəcəyimiz bütün sazişlər, şübhəsiz ki, Ermənistan üçün faydalıdır və ölkəmiz üçün misli görünməmiş imkanlar açacaq”, - deyə o bildirib.
